2015-12-28

روكـي رود









صباح الخيرات .. 


حلى الروكي رود اللذيذ ..
كنت دائماً اشوفه في انستغرام و مرررا اشتهيه .. ولما بحثت عن الطريقة طلع سهلللل مافي اسهل منه .. وسريع 
واحلى شي انك تسويه وبعدها بعشر دقايق يكون جاهز للتقديم .. 

المقادير ..
_شوكلاتة خام 
_بسكوت عادي ..(بسكوت شاهي أو دايجستف اللي تحبي)
_مارشميلو الحجم الصغير 

الطريقة :
ضعي الشوكلاته في زبدية وادخليه  الميكرويف لمدة دقيقة ..
لكن كل عشرة ثواني طلعيه وقلبي شويه ورجعيه ...
 واذا ماعندك ماكرويف سوي حمام مائي. 

كسري البسكوت اللي عندك .. لا تكسريه لقطع صغيرة مرا ..
حلو تكون قطع كبيرة شوية ..وتكون متفاوتة في الاحجام شي صغير شي كبير.

بعد ماتصير الشوكلاتة سائلة و جاهزة  أضيفي البسكوت المكسر والمارشميلو ..
تقدري تضيفي اي شي تبغيه في هذه الخطوة ..
انا مرة أضفت البرتزل المالح وطلع لزيز مرا.. 
المهم بعد ماتضيفي الإضافات اللي عندك قلبي الخليط مزبوط،
 وحاولي انك توازني في المقادير لا تخلي الشوكلاته كثير والإضافات قليلة ولا العكس.

في صينية حطي ورق زبدة في القاع ( هذه الخطوة مهمة عشان مايتلصق الحلا ويكون صعب تقطعيه ولا بيتكسر معاك ) 
و صبي الخليط اللي سويتيه و وزعيه 
اهم شي لا تحاولي تساوي السطح ..
 انا هنا اظطريت اني اساويه... لكن عادة لا..
 وهو اساساً اسمه روكي رود عشان سطحه المتعرج والغير متساوي ..
و الحقيقة انو يفرق في الطعم .. فلا تساويه وخليه عشوائي زي ماهو
وبعدها حطيه في الفريزر لـ ١٥ دقيقة 
وطلعيه خليه فترة يصير بدرجة حرارة الغرفة..
وبعدها  قطعيه مربعات غير متساوية و عشوائية..

و قدميه بالهناء والعافية .. 




  

No comments:

Post a Comment