!!..منتجات تجميلية فاشلة

هُنـا بعض المنتجات التجميلية اللي اشتريتها و اتورطت فيها... للأسف ما عجبتني وما كانت كما توقعت أوكما سمعت عنها..
صحيح انو اشتريتها على مدح بعض البلوقرز واليتيوبرس بس للأسف غالباً ياخذوا نسبة من المدح اللي يمدحووه..
لذلك المشتريات أدناه لااااا تشتريها و تضيعي فلووس و وقت ...  هذا رأيي الشخصي عن تجربة لهذه المنتجات..

بسم الله نبدأ

١_ مسكارا "better than sex"

 .. كانت خيبة أمل بالنسبة لي الصراحة..
 أخذت مدح كثير وتقييم عالي وفي سيفورا كاتبين انها رقم واحد في مبيعات المسكرات...
 واشتريتها وما اعتبرها رخيصة لكن للأسف انصدمت لما استخدمتها ... 

لا أعدها من أسوأ الماسكرات لكنها ليست جيدة أيضاً ..ومرا أخذت أكتر من حقها ...
 كمية المادة اللي تطلع مرا كبيرة تضطري انك تجلسي تمشي عليها بفتحة العلبة...ومع ذلك يبقى كثير ..
تكتل الرموش مرا تحسيها تو متش عليها .. واهم شي المظهر النهائي مو حلو  ..
نصيحة لا تضيعي فلوسك عليها... بالنسبة لي كانت أول وآخر مرة أشتريها.. 

برأي انو اشتري مسكارا من ميبلين أرخص وأهم شي أفضل بكثير

المنتج: مسكارا "better than sex"  من too faced

السعر : ٢٨ دولار 

التقييم : 6\10

||

٢_ BB cream dream fresh من ميبلين .. 

مرا ما عجبني من أول إستخدام ومع ذلك قلت لا اتسرع في الحكم وأعطيت المنتج فرصة اكثر من مرا...
احس اغصب نفسي عليه ابغاه يعجبني بعدين استسلمت ...
 مرا سائل بزيادة ومهما خضيتي تنزل قطرات من الزيت وهذا شيء جداً سيّء..
بعدها كمان اكتشفت انو ما ناسب الكثير وما سمعت اي مدح له فعرفت انو الخطأ فيه مو  انو غير مناسب لنوع بشرتي .

المنتج : bob cream من 

السعر:  8$  (مو متأكدة) 

التقييم: 3\10

||

٣- مرطب الشفايف eos

برأي هذا المنتج أخذ مرا أكثر من حقو في المدح وهوا عادي بل أقل من عادي..
صحيح شكلو مرا كيييوت وظريف لكن للأسف كمرطب للشفايف مررا ماله أي مفعول حقيقي ويضايق ع الشفايف..
دائماً المرطبات يا تاخذي شي عليه الكلام ومكونات ممتازه ولا بلاش تعدمي شفايفك لأنو المرطب يُستهلك كثير غالبا..
ممكن تشتريه كديكور على تسريحتك بشكل كيوت مو أكثر.
المنتج : مرطب الشفايف eos
السعر: 3 $
التقييم : 1\10 >>> عشان الشكل بس :d


هذا ما لدي لليوم... أتمنى اني أفدتكم .. 

و أهلاَ بكِـ في مدونة نورا

مدونة Nora's Mess 

❤️