مافي شي يحلى بدون أكل ..
سهرة ؟ تتفرجي موڤي ؟ ولا طقطقة ع النت ؟!
اي شي مايحلى بدون أكل... وأحيانا تحسي نفسك محتاجة تآكلي بس مو جيعانة.. فعلى طول نلجأ لـ سناك او مفرحات ..اللي غالباً تكون شيبس مع غازيات.. او شوكلاتات
و يجي في بالنا انو هذا الشي اللي كنا مشتهيين ناكلوا.. وفي الحقيقة إنتِ فقط تبغي "تنقنقي" يعني لو نستبدلها بشي صحي راح يفي بالغرض و نفس الوقت راح نقطع مشوار حلو في الصحة .
لذلك قررت انو انزل سلسلة من السناك الصحي اللزيز ..تقدري تاكليه وانتي تتفرجي فيلم السهرة
او بعد ماترجعي من المدرسة أو الجامعة
مش ح يكون صحي بجنون ..ونحسب كل كالوريز وايش فيه وايش مافيه ... لأ .. ح يكون بسيط جداً وسريع وأهون من الشيبيات والغازيات.
بسم الله نبدأ
1 - سلطة السبانخ بالفراولة..
كل اللي تحتاجيه هو :
سبانخ
فراولة
فلفل اسود
ليمون
دبس رمان
.. طريقتها كأي سلطة عادية سهلة وسريعة
اغسلي السبانخ جييييداً .. والفراولة كمان.
بدون ما تقطعي السبانخ حطيها في الصحن
وبعدها قطعي الفروالة شرائح تكون عريضة وكبيرة
واضيفها ع السبانخ،
اخيراً رشي الفلفل الأسود وعصرة ليمون خفيفة وقلييل من دبس الرمان ع سطح الطبق مايحتاج تقليب وحوسة ( أطعم وأحلى في الشكل)
وبالعافية.
2 - سلطة الفواكه..
مايحتاجلها غير الفواكه اللي انتي تحبيها وتفضليها
قطعي فاكهه فاكهه و ضعيها في الطبق من غير تقليب .. ومن غير اي إضافات عصير او شي
واستمتعي باحلى سناك وبدون تأنيب ضمير وبالعاااافية.
No comments:
Post a Comment